საქართველოს სტატისტიკის ეროვნული სამსახურის ინფორმაციით, გასულ წელთან შედარებით, 2020 წელს ბიზნესში დასაქმებულთა საერთო რაოდენობა 7%-ით შემცირდა.
საწარმოთა საქმიანობის ანგარიშის მიხედვით, 2020 წელს ბიზნესში, საშუალოდ, 703 000 ადამიანი იყო დასაქმებული, საიდანაც 58.5% კაცია, 41.5% – ქალი.
ყველაზე მეტი ადამიანი, კერძოდ, 41.2% მცირე ბიზნესში საქმდება, 37.2% – მსხვილ, 21.7% კი – საშუალო ბიზნესში.
რაც შეეხება დასაქმებულთა რაოდენობას რეგიონების მიხედვით აღნიშნული მაჩვენებელი
შემდეგნაირად ნაწილდება:
- თბილისი – 63%
- აჭარა – 9.7%
- იმერეთი – 7.5%
- ქვემო ქართლი – 5.6%
- სამეგრელო-ზემო სვანეთი – 3.8%
2020 წელს დასაქმებულთა რაოდენობის მიხედვით, ბიზნეს სექტორში ვაჭრობის (საბითუმო და საცალო ვაჭრობა; ავტომობილების და მოტოციკლების რემონტი), დამამუშავებელი მრეწველობისა და ჯანდაცვის და სოციალური მომსახურების დარგები ლიდერობენ (შესაბამისად 28%, 12.7% და 10.7%).
სტრუქტურაში მნიშვნელოვანი წილი მოდის მშენებლობის (9.2%), ტრანსპორტისა და დასაწყობების (9.4%) და განთავსების საშუალებებით უზრუნველყოფის და საკვების მიწოდების საქმიანობების დარგის საწარმოებზეც (4.5%).