საერთაშორისო რესპუბლიკური ინსტიტუტი (IRI) კვლევის შედეგებს აქვეყნებს, რომლის მიხედვითაც, მოსახლეობის 25% Covid-19-ის საწინააღმდეგო Pfizer/BioNTech-ის ვაქცინას ენდობა, 8% - სინოფარმს, ხოლო 28% არცერთ ვაქცინას არ ენდობა.
კითხვაზე, "თქვენი აზრით, რომელი ვაქცინაა ყველაზე სანდო" პასუხები შემდეგნაირად გადანაწილდა:
- Pfizer/BionNTech, (გერმანია/აშშ) – 25%
- SinoPharm (ჩინეთი) – 8%
- AstraZeneca (დიდი ბრიტანეთი/შვედეთი) – 7%
- SinoVac (ჩინეთი) – 4%
- Moderna (აშშ) – 1%
- სხვა – 1%
- არცერთი – 28%
- არ ვიცი/უარი პასუხზე – 27%
IRI-ის კვლევის მიხედვით, მოსახლეობის 45% არ აიცრება, Covid-19-ის აცრას 18% გაიკეთებს.
კვლევა ჩატარებულია 2021 წლის 15-30 ივნისის პერიოდში, პირისპირი ინტერვიუების გზით. გამოკითხვაში მონაწილეობა მიიღო 1500-მა სრულწლოვანმა რესპონდენტმა. ცდომილების ზღვარი წარმოადგენს +/- 2.5 %.