პასუხისმგებლობა პირდაპირ ეკისრება ხელისუფლებას, მთავრობას, მის მეთაურს, მინისტრებს, რომლებსაც პირდაპირ ევალებათ ძალადობის აღკვეთა. საპატრიარქოს ძალადობისკენ მოწოდება არ მომისმენია, ძალადობისკენ მოწოდებას ადგილი არ ჰქონია. გუშინ, დილით პირდაპირ მთავრობის მეთაურმა გამოხატა დამოკიდებულება ამ პროცესების მიმართ, რითაც წააქეზა ძალადობრივი ჯგუფები და აუნთო მწვანე შუქი. ამის გამო გრძნობდნენ ისინი თავს დაუსჯელად გუშინ. ჩვენ პირდაპირ გვექმნება საფუძვლიანი ეჭვი, რომ პოლიციას ჰქონდა მითითება, არ ჩარეულიყო ამ პროცესებში და არ აღეკვეთა ძალადობა, რომელსაც ჩვენ ვხედავდით. სხვა შემთხვევაში გაუგებარია, აუხსნელია, რატომ აკვირდებოდნენ პოლიციელები, როგორ ძალადობდნენ ჟურნალისტებზე და არანაირ ქმედით და რადიკალურ ზომებს არ იღებდნენ იმისათვის, რომ ეს აღკვეთილიყო
tbl.ge/5lx4
დაკოპირდა
თქვა ტვ პირველის ეთერში გამოხატვის თავისუფლების დასაცავად გამართულ აქციაზე მისულმა ლელოს ერთ-ერთმა ლიდერმა, ბადრი ჯაფარიძემ. პარლამენტთან 6 ივლისს პოლიტიკური პარტიებისა და სამოქალაქო ორგანიზაციების ნაწილი მას შემდეგ შეიკრიბა, რაც 5 ივლისს Tbilisi Pride-მა ღირსების მარშის ჩატარება ვერ შეძლო, რადგან სამართალდამცველებმა პუტინისტურ ჯგუფებს თავისუფლად თარეშის უფლება მისცეს, რომლებიც თავს დაესხნენ 54 მოქალაქეს და მათგან 53 ჟურნალისტს, დაარბიეს კარვები და ოფისები.
ამავე თემაზე
- ბასი: "პრაიდ ფესტივალის" ჩაშლის მცდელობა არ იყო კარგი ამბავი, არღვევს უმცირესობის უფლებებს
- ზურაბიშვილი: მმართველი პარტია ახალისებს ძალადობას
- მინისტრის მოადგილე Pride Fest-ზე: ყველა აქციის 100%-იანი უსაფრთხოების დაცვა შეუძლებელია
- თბილისის სინაგოგა პრაიდის კვირეულზე: LGBT პროპაგანდა დაუშვებელია, ნუ აყვებით პროვოკაციებს
- 5 ივლისის ძალადობაში ბრალდებულ 6 ორკს ერთი წელი, მეშვიდეს კი ერთი წელი და 6 თვე მიესაჯა