"შესაძლოა, Pfizer-ზე ადრე AstraZeneca-ს ვაქცინა შემოვიდეს". – ამბობს ჯანდაცვის მინისტრი მოადგილე თამარ გაბუნია, რომელიც ამბობდა, რომ ქვეყანა თებერვლის შუა რიცხვებიდან თვის ბოლომდე Pfizer-ის ვაქცინის 29 250 დოზას მიიღებდა.
გაბუნია ამბობს, რომ Pfizer-მა დამატებითი პირობები დააყენა და ამიტომაც გაურკვეველია, თუ როდის მოხდება ვაქცინების შემოტანა.
"ამდენად, ამ კვირაში დაინიშნა კონსულტაციები და ამის შემდეგ გვექნება უკვე ზუსტი პასუხები და გავიგებთ, თუ რას უნდა ველოდოთ Pfizer-სგან და როდის". – ამბობს გაბუნია.
გუშინ, 21 თებერვალს, თბილისის ინფექციური საავადმყოფოს დირექტორმა, თენგიზ ცერცვაძემ თქვა, რომ ვაქცინაციის დაწყებას 1-2 კვირით დაგვიანდება.
დღეს, 22 თებერვალს, პრემიერმინისტრობის კანდიდატმა, ირაკლი ღარიბაშვილმა თქვა, რომ საქართველოში პირველი ვაქცინა მარტის დასაწყისში შემოვა. მისივე თქმით, წლის ბოლომდე ქვეყანაში მოსახლეობის 60% აიცრება.
ვრცლად, მოსახლეობის რამდენი პროცენტის ვაქცინაცია იქნება შესაძლებელი წლის ბოლომდე, წაიკითხეთ - აქ.
