საგანგებო სიტუაციების მართვის სააგენტოს ცნობით, ლილოს ბაზრობაზე ხანძარი ლოკალიზებულია და ამჟამად სალიკვიდაციო სამუშაოები მიმდინარეობს. მათივე ცნობით, არავინ დაშავებულა.
ხანძრის გამომწვევი მიზეზი ჯერჯერობით უცნობია. ადგილზე სახანძრო-სამაშველო ჯგუფის 11 ეკიპაჟი მუშაობს.
"პირველი მორეაგირე ჯგუფების გადმოცემით, ხანძარი გავრცელებული იყო რამდენიმე მაღაზიაზე. სიტუაციის შეფასების შემდეგ ბაზრობის მიმართულებით კიდევ რამდენიმე ჯგუფი გაემგზავრა, პარალელურად დაიწყო ხანძრის ქრობის აქტიური სამუშაოები.
არსებობდა ცეცხლის სხვა მაღაზიებზე გავრცელების საშიშროება, თუმცა მეხანძრე-მაშველებმა დროულად მოახერხეს ხანძრის ლოკალიზება და სიტუაციის გაკონტროლება. ამ დროისთვის უკვე მიმდინარეობს სალიკვიდაციო სამუშაოები". – აცხადებს საგანგებო სიტუაციების მართვის სამსახური.
აღსანიშნავია, რომ 2.5-თვიანი შეზღუდვების შემდეგ, ბაზრობები დღეიდან გაიხსნა.