ვოლსკი: ბრძოლა გრძელდება და დამატებითი რესურსი ამ გადაწყვეტილების სახით ჩვენს ხელშია

ეს არის კიდევ ერთი მძლავრი, ვიტყოდი, საგანგებო მნიშვნელობის რესურსი, რათა საქართველომ თავისი პოზიციები, პარტნიორებთან ერთად, არათუ დაიცვას, არამედ, კიდევ ერთხელ მთელი მსოფლიოს წინაშე გამოჩნდეს, თუ რა რეალობასთან გვქონდა 2008 წელს საქმე. ამისთვის რუსეთი იხდის და გადაიხდის, როგორც პოლიტიკურ, ასევე ეკონომიკურ ფასს. რასაკვირველია, სტრასბურგის გადაწყვეტილება იქნება თუ არა რუსეთის მიერ შესრულებული, ეს მეორე საკითხია. ჩვენ არ მოველით, რომ მას ექნება კონსტრუქციული პოზიცია, თუმცა, ძალიან ძნელია გაუმკლავდე იმ არგუმენტს, რასაც სტრასბურგის სასამართლოს გადაწყვეტილება ჰქვია. ასე, რომ ბრძოლა გრძელდება, მაგრამ ამ ბრძოლაში დამატებითი რესურსი სტრასბურგის სასამართლოს გადაწყვეტილების სახით არის ჩვენს ხელში...