ერთიანი ნაციონალური მოძრაობის ყრილობაზე, სადაც ნიკა მელია პარტიის თავმჯდომარედ ოფიციალურად უნდა დაემტკიცებინათ, ზაალ უდუმაშვილმა ექსპრეზიდენტი, მიხეილ სააკაშვილი პარტიის "საპატიო თავმჯდომარედ" მოიხსენია და მას სიტყვა დაუთმო.
ნიკა მელია ენმ-ს ყრილობამ დღეს, 27 დეკემბერს, პარტიის თავმჯდომარედ ოფიციალურად დაამტკიცა. მანამდე ნიკა მელია პარტიის მხარდამჭერებმა Facebook-ჯგუფის საშუალებით აირჩიეს. მისი ოპონენტი ლევან ვარშალომიძე იყო, რომელმაც უკვე მიულოცა მას გამარჯვება.
ენმ-ს თავმჯდომარის პოსტი ვაკანტური მას შემდეგ გახდა, რაც გრიგოლ ვაშაძემ დატოვა ეს თანამდებობა, ისევე, როგორც პარტია.
