ერთიანი ნაციონალური მოძრაობის მე-9 ყრილობაზე პარტიის თავმჯდომარედ ნიკა მელია ოფიციალურად დაამტკიცეს.
თავმჯდომარედ ოფიციალურად დამტკიცებამდე ნიკა მელია პარტიის მხარდამჭერებმა Facebook-ჯგუფის საშუალებით აირჩიეს. მისი ოპონენტი ლევან ვარშალომიძე იყო, რომელმაც უკვე მიულოცა მას გამარჯვება.
ენმ-ს თავმჯდომარის პოსტი ვაკანტური მას შემდეგ გახდა, რაც გრიგოლ ვაშაძემ დატოვა ეს თანამდებობა, ისევე, როგორც პარტია.