დაწესებული შეზღუდვების შემსუბუქებამდე ორი დღით ადრე საქართველოს მთავრობამ განაცხადა, რომ "ეპიდემიოლოგიური ვითარებიდან გამომდინარე", 24 დეკემბრიდან შეზღუდვების ნაწილი არ მოიხსნება.
კერძოდ:
- კვლავ არ იმუშავებს საზოგადოებრივი ტრანსპორტი თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში;
- ძალაში რჩება საქალაქთაშორისო ტრანსპორტის გადაადგილების შეზღუდვა მთელი ქვეყნის მასშტაბით. კერძო ავტომანქანებით გადაადგილება კვლავ იქნება ნებადართული;
- ბაზრობები არ გაიხსნება. მუშაობას ისევ გააგრძელებენ აგრარული ბაზრები
- 24 დეკემბრიდან 2 იანვრის ჩათვლით მუშაობას განაახლებენ სავაჭრო ობიექტები. გათვალისწინებულია დამატებითი რეგულაციები, რომელზეც, მთავრობის ცნობით, წინასწარ გაიმართა კონსულტაციები ბიზნესთან.
- გარდა ამისა, მთავრობამ დამატებითი შეზღუდვები დააწესა. კერძოდ, სასტუმროების რესტორნები იმუშავებენ მხოლოდ 21:00 მდე, ხოლო 21:00-დან დაშვებული იქნება მხოლოდ ნომერში მომსახურების სერვისი.
- რესტორნები და კვების ობიექტები ქვეყნის მასშტაბით აგრძელებენ მუშაობას მხოლოდ გატანის სერვისზე.
- ძალაში რჩება გადაადგილების შეზღუდვა მთელი ქვეყნიოს მასშტაბით 21:00 საათიდან 05:00 საათამდე, როგორც ქვეითად, ისე ავტომობილით. გამონაკლისი იქნება ახალი წლის ღამე - 31 დეკემბრის ღამე და ასევე შობის ღამე - 6 იანვრის ღამე;
"გამონაკლისის მიუხედავად, კვლავ მოვუწოდებთ მოსახლეობას დღესასწაულები აღნიშნონ ვიწრო ოჯახურ წრეში" - აცხადებს მთავრობა.
