საქართველოს მესამე პრეზიდენტმა და ენმ-ძალა ერთობაშიას პრემიერმინისტრობის კანდიდატმა, მიხეილ სააკაშვილმა TV ფორმულას ეთერში ტელევიზიის დაკვეთით Edison Research-ის მიერ ჩატარებულ ეგზიტპოლს "სრული იდიოტიზმი" უწოდა და აღნიშნა, რომ ის მთავარი არხის დაკვეთით ჩატარებულ IPSOS-ის ეგზიტპოლს ენდობა.
"სრული იდიოტიზმია თქვენი კვლევა, სიმართლეს არ შეესაბამება. სიმართლეს შეესაბამება ის, რაც გამოაქვეყნა IPSOS-მა. ეს არის ჩვეულებრივი მანიპულაცია, რაც ახლა მიდის ეგრეთ წოდებული Edison-ის კვლევა. არსებობს IPSOS-ის კვლევა და საარჩევნო შედეგები, რომელიც ახლა ნათლად აჩვენებს, რომ მყარად გაიმარჯვა ოპოზიციამ.
რა 46% "ოცნებას", ავად ხომ არ არის ვინმე?!". – თქვა მიხეილ სააკაშვილმა.
ფორმულას ეგზიტპოლი: ოცნება 46%, ენმ-ძალა ერთობაშია 28%, ევროპელები 5%, უარი პასუხზე 50%
მთავარი არხის ეგზიტპოლი: ოცნება - 41%, ენმ - 33%, ევროპული საქართველო - 5%
რუსთავი 2-ის ეგზიტპოლი: ქართული ოცნება 52.26%, ენმ 25.33%, ევროპული საქართველო 4.2%
იმედის ეგზიტპოლი: ქართული ოცნება - 55%, ენმ - 23%, ევროპული საქართველო - 3%
