მსოფლიოში ახალი კორონავირუსის დადასტურებულმა შემთხვევებმა 40 მილიონს გადააჭარბა.
მათგან 30 050 456 ადამიანი გამოჯანმრთელდა, ხოლო 1 117 267 გარდაიცვალა.
კორონავირუსის აქტიური 9 044 981 შემთხვევიდან 1%-ის (72 073 პაციენტი) ჯანმრთელობის მდგომარეობა სერიოზული ან კრიტიკულია, დანარჩენი 8 972 908-ის კი - საშუალო ან მსუბუქი.
რაოდენობრივად ყველაზე მეტი ადამიანი აშშ-ში დაინფიცირდა – 8 376 510; გარდაიცვალა 224 559 პაციენტი, გამოჯანმრთელდა 5.5 მილიონი. სწორედ ამერიკამ ჩაატარა კორონავირუსის დასადგენი ყველაზე მეტი ტესტი - 125 მილიონზე მეტი.
თუ მილიონ მოსახლეზე დავთვლით, ინფიცირებულთა რიცხვით პირველ ადგილს კატარი იკავებს, გარდაცვლილთა რაოდენობით კი - პერუ.
საქართველოში 26 თებერვლიდან დღემდე ახალი კორონავირუსის 17 477 შემთხვევა დადასტურდა. მათგან 8 060 გამოჯანმრთელდა, 136 – გარდაიცვალა.