მთავრობის ადმინისტრაციის უფროსის, ნათია მეზვრიშვილის თქმით, 1-ელი ოქტომბრიდან ფოთსა და გორში მოსწავლეები სწავლას საკლასო ოთახებში გააგრძელებენ.
"ყველგან, სადაც დღეს დისტანციურად მიმდინარეობს სწავლა, გარდა აჭარის რეგიონისა, 1-ელი ოქტომბრიდან, 1-დან მე-6 კლასის ჩათვლით, მოსწავლეები ფიზიკურად საკლასო ოთახებში გააგრძელებენ სწავლას.
ეს ეხება თბილისს, ქუთაისს, რუსთავს და ზუგდიდს. რაც შეეხება ფოთსა და გორს, 1-ელი ოქტომბრიდან ფიზიკურად სწავლა გაგრძელდება ყველა კლასში.
იქ, სადაც დღეს დისტანციურად არის სწავლა და 1-ელი ოქტომბრიდან გრძელდება სწავლა, მშობლებს ექნებათ შესაძლებლობა, არჩევანი გააკეთონ და აირჩიონ დისტანციური მოდელი.
რაც შეეხება უმაღლეს სასწავლებლებს, ამ ეტაპზე დისტანციურად გაგრძელდება სწავლა". - თქვა მეზვრიშვილმა.
საქართველოში სასწავლო პროცესი 15 სექტემბერს უნდა დაწყებულიყო, თუმცა, კორონავირუსის გავრცელების გამო, დიდ ქალაქებში პირველ ოქტომბრამდე გადაიდო და სწავლა დისტანციურად განახლდა.
