განათლების სამინისტრო სექტემბრიდან სკოლებში ვაშლის დარიგებას გეგმავს. ამის შესახებ დღეს გამართულ პრესკოფერენციაზე მინისტრმა ალექსანდრე ჯეჯელავამ განაცხადა. მისი თქმით, ვაშლის დარიგების კამპანია ახალი სასწავლო წლიდან, თბილისის იმ სკოლებში დაიწყება, სადაც 1000-ზე მეტი მოსწავლეა. მინისტრმა აღნიშნა, რომ პროექტის ორგანიზება რთული იქნება.
"მეორე მხრივ, ამ საკითხში რთული და ძვირი არაფერს დაგვაკლებს. ამ პროექტის მიზანია, შესვენებაზე ბავშვმა შეჭამოს ვაშლი. ვაშლი არის ძალიან ჯანსაღი პროდუქტი“ - განაცხადა ალექსანდრე ჯეჯელავამ ცნობით.
საპილოტე კამპანიის ფარგლებში ვაშლები სკოლაში კვირაში ერთხელ დარიგდება. განათლების მინისტრის თქმით, თითო ბავშვი კვირაში ერთ ვაშლს მიიღებს. ასეთი მოსწავლეების რაოდენობა კი, სავარაუდოდ, 40 000 - 60 000-ია.
პროექტი საპილოტე იქნება და განათლების სამინისტრო მას თბილისის რამდენიმე დიდკონტინგენტიან სკოლაში, "ექიმ-ნუტრიციოლოგების რეკომენდაციითა და ევროპულ გამოცდილებაზე დაყრდნობით" დაიწყებს.
