მსოფლიოში ახალი კორონავირუსის დადასტურებულმა შემთხვევებმა 30 მილიონს გადააჭარბა.
მათგან 21 808 302 ადამიანი გამოჯანმრთელდა, ხოლო 945 159 გარდაიცვალა.
კორონავირუსის აქტიური 7 288 757 შემთხვევიდან 1%-ის (61 244 პაციენტი) ჯანმრთელობის მდგომარეობა სერიოზული ან კრიტიკულია, დანარჩენი 7 227 513-ის კი - საშუალო ან მსუბუქი.
რაოდენობრივად ყველაზე მეტი ადამიანი აშშ-ში დაინფიცირდა – 6 828 301; გარდაიცვალა
201 348 პაციენტი, გამოჯანმრთელდა 4 მილიონზე მეტი. სწორედ ამერიკამ ჩაატარა კორონავირუსის დასადგენი ყველაზე მეტი ტესტირება.
ინფიცირებულთა რაოდენობით აშშ-ს ინდოეთი მოსდევს, მესამე ადგილზე ბრაზილიაა.
საქართველოში 26 თებერვლიდან დღემდე ახალი კორონავირუსის 2758 შემთხვევა დადასტურდა. მათგან 1412 გამოჯანმრთელდა, 19 – გარდაიცვალა.
