"გამარჯვება 2020 არჩევნებში გარდაუვალია, მით უმეტეს გარდაუვალია ეს ბათუმში, როდესაც ვარშალომიძე იქნება ავანგარდში ამ ბრძოლის. ნამდვილად, ჩვენი გუნდისთვის განსაკუთრებული მოვლენაა". – ამბობს ერთიანი ნაციონალური მოძრაობის მაჟორიტარი დეპუტატობის კანდიდატი ისანში, ხატია დეკანოიძე აჭარის ავტონომიური რესპუბლიკის მთავრობის ყოფილ თავმჯდომარე ლევან ვარშალომიძეზე, რომელმაც დღეს თქვა, რომ საქართველოში ბრუნდება.
ვარშალომიძემ ამის შესახებ Facebook-ზე გავრცელებულ ვიდეომიმართვაში ისაუბრა, – ""მე ახლა ვარ ტრაპიზონში და ზუსტად ორ საათში ჩემს საყვარელ ბათუმში თქვენთან ერთად ვიქნები, რათა ერთად მოვიშოროთ თავს მოხვეული რუსული ოცნება". – თქვა ლევან ვარსალომიძემ.
ლევან ვარშალომიძე უკრაინაში ეროვნული საინვესტიციო საბჭოს ხელმძღვანელად ვოლოდიმირ ზელენსკიმ დანიშნა.
ერთიანი ნაციონალური მოძრაობის ერთ-ერთი ლიდერი, ლევან ვარშალომიძე, აჭარის ავტონომიური რესპუბლიკის მთავრობის თავმჯდომარის პოსტს 2004-დან 2012 წლამდე იკავებდა.
2015 წელს, როდესაც მიხეილ სააკაშვილი ოდესის ოლქის გუბერნატორის პოსტს იკავებდა, მაშინდელმა პრეზიდენტმა, პეტრო პოროშენკომ, ლევან ვარშალომიძე თავის მრჩევლად დანიშნა.