აჭარის ავტონომიური რესპუბლიკის თავმჯდომარის, თორნიკე რიჟვაძის თქმით, ხვალიდან ქობულეთის 4 სოფელში შეზღუდვების მოხსნა დაიწყება.
"ხვალიდან მოგვეცემა შესაძლებლობა, რომ შევამსუბუქოთ და მოვხსნათ შეზღუდვები ქობულეთის 4 ადმინისტრაციულ ერთეულში. უკვე 1 კვირაა, აჭარაში არ ვლინდება კორონავირუსის ახალი შემთხვევა, დღეში კეთდება დაახლოებით 300 ტესტი. ეს გვაძლევს საშუალებას, შევამსუბუქოთ შეზღუდვები და გავხსნათ ქობულეთის რამდენიმე ჩაკეტილი სოფელი", - თქვა მან ტურიზმის გახსნის გეგმის პრეზენტაციის დასრულების შემდეგ.
ქობულეთის 4 სოფელი, ახალი კორონავირუსის გავრცელების გამო, 12 აპრილს ჩაიკეტა.
აჭარაში კორონავირუსისგან 38 პაციენტი გამოჯანმრთელდა, 17 - მკურნალობას აგრძელებს. კორონავირუსით ქობულეთის კლასტერთან დაკავშირებული 36 პირი დაინფიცირდა.
