ესპანეთში კორონავირუსით ბოლო 24 საათში 743 ადამიანი გარდაიცვალა. ჯამში, COVID-19-ით გარდაცვლილია 13 798 ადამიანი.
ქვეყანაში 6 აპრილის 24 საათის განმავლობაში გარდაცვლილთა მაჩვენებელი 638 ადამიანი იყო. ეს რაოდენობა ყველაზე დაბალია 24 მარტის შემდეგ.
ჯამში, ქვეყანაში კორონავირუსით 140 510 ადამიანი დაინფიცირდა - 3 835 ბოლო 24 საათის განმავლობაში. გამოჯანმრთელდა 43 208.
კორონავირუსთან დაკავშირებით, ქვეყანაში საგანგებო მდგომარეობა 13 მარტს გამოცხადდა. შეზღუდულია ადამიანებისა და ტრანსპორტის გადაადგილება, დაკეტილია ყველა მაღაზია. მუშაობას მხოლოდ სუპერმარკეტები და აფთიაქები აგრძელებენ.
