პირველი საუნივერსიტეტო კლინიკის დირექტორის, ლევან რატიანის თქმით, ორი ორსული ქალის და მათი ნაყოფის მდგომარეობა სტაბილურია.
"ორსული, რომელიც იყო 22 კვირის, უკვე 23-ე კვირაშია. მისი და ნაყოფის მდგომარეობა სტაბილურია. ბოლო 48 საათია ცხელება არ დაფიქსირებულა. რაც შეეხება 8 კვირის ორსული, 19 წლის ქალბატონი, მისი და ნაყოფის მდგომარეობა ფასდება სტაბილურად"- თქვა რატიანმა.
ბოლო მონაცემებით, საქართველოში ახალი კორონავირუსის დადასტურებული შემთხვევები 170-მდე გაიზარდა. აქედან გამოჯანრთელდა 36 ადამიანი, გარდაიცვალა 2.
30 მარტს მიღებული გადაწყვეტილებით, ქვეყანაში კარანტინი გამოცხადდა, 21:00 საათიდან 06:00 საათამდე - კომენდანტის საათი.
21 აპრილამდე ქვეყანაში საგანგებო მდგომარეობაა გამოცხადებული. მანამდე, კარანტინის რეჟიმში ორი მუნიციპალიტეტი, მარნეული და ბოლნისი იყო.
