1 აპრილის საღამოს მონაცემებით, მსოფლიოში Covid 19-ით ინფიცირების დადასტურებულმა შემთხვევებმა 900 000-ს გადააჭარბა. გარდაიცვალა 45,541 და გამოჯანმრთელდა - 191 800 ადამიანი. 34,859 პაციენტის მდგომარეობა სერიოზული ან კრიტიკულია.
მსოფლიოში ყველაზე მეტი ინფიცირებული აშშ-ს (205,036), ხოლო ყველაზე მეტი გარდაცვლილი (13,155) იტალიას ჰყავს. ინფიცირებულთა და გარდაცვალების რაოდენობის მხრივ პირველი სამეული ასე გამოიყურება:
- აშშ - 205,036 ინფიცირებული, 4,516 გარდაცვლილი, 8,745 გამოჯანმრთელებული;
- იტალია - 110,574 ინფიცირებული, 13,155 გარდაცვლილი, 16,847 გამოჯანმრთელებული;
- ესპანეთი - 102,136 ინფიცირებული, 9,053 გარდაცვლილი, 22,647 გამოჯანმრთელებული.
ოფიციალური მონაცემებით, სწორედ ამ სამ ქვეყანას მოსდევს ინფიცირებულთა რაოდენობით (81,554) ჩინეთი, საიდანაც დაიწყო ეპიდემია. რაც შეეხება დაღუპულებს, ჩინეთზე მეტი დაღუპული ჰყავს საფრანგეთსაც - 3,523.
