თბილისის მერმა, კახა კალაძემ, ოპოზიციასთან მიღწეული შეთანხმების შესახებ ტვიტერზე დაწერა.
"ქართულმა ოცნებამ 2020 წლის საარჩევნო სისტემასთან დაკავშირებით ოპოზიციასთან კონსენსუსს მიაღწია - 120/30-ზე 1% -იანი ბარიერით. ქართული დემოკრატია ქართული ოცნების პირობებში სწრაფად ვითარდება", - წერს კალაძე.
19 თებერვალს კალაძემ ოპოზიციასთან მოლაპარაკების მზაობაზე ტვიტერზე დაწერა და დასავლელი პარტნიორები მონიშნა.
ხელისუფლებასა და ოპოზიციას შორის საარჩევნო სისტემაზე რამდენიმეთვიანი მოლაპარაკებები 8 მარტს შეთანხმებით დასრულდა. შეხვედრაზე სახელისუფლებო და ოპოზიციურმა პარტიებმა მემორანდუმი მიიღეს, რომლის მიხედვით, 2020 წლის საპარლამენტო არჩევნები პროპორციული და მაჟორიტარული მანდატების 120/30-ზე განაწილებით ჩატარდება.
საარჩევნო სისტემის პროპორციულთან დაახლოების გარდა, ოპოზიციის მეორე მოთხოვნა პოლიტპატიმრების გათავისუფლება იყო, რაზეც, ოპოზიციური ლიდერების თქმით, შეთანხმება ასევე მიღწეულია.