აჭარის უმაღლესი საბჭოს წევრი აქტივისტებს: თავებს დაგიტეხთ, სირცხვილის კორიდორი არც გაბედოთ

აჭარის უმაღლესი საბჭოს დეპუტატი მერაბ ბლადაძე ბათუმის მერიასთან შეკრებილ აქტივისტებს "თავის გატეხვით" ემუქრება იმ შემთხვევაში, თუ ისინი სირცხვილის კორიდორის მოწყობას "გაბედავენ". ბათუმის მერიასთან აქცია დღეს მოძრაობა "გაბედეს" წევრებმა გამართეს, რომელსაც ერთიანი ნაციონალური მოძრაობის წევრებიც შეუერთდნენ. ბლადაძე საბჭოში პატრიოტთა ალიანსს წარმოადგენს.