საფრანგეთის პრეზიდენტმა ემანუელ მაკრონმა საკუთარ ტვიტერზე დაწერა, რომ რუსეთი NATO-ს მტერი აღარ არის. მისი აზრით რუსეთი კვლავ წარმოადგენს საფრთხეს, თუმცა გარკვეულ საკითხებში პარტნიორიც არის, ხოლო ალიანსის ნამდვილი მტერი საერთაშორისო ტერორიზმი, კონკრეტულად კი ისლამისტი ტერორისტები არიან.
"ვინ არის NATO-ს მტერი? რუსეთი მტერი აღარაა. ის კვლავ რჩება საფრთხედ, მაგრამ ამასთანავე გარკვეულ საკითხებში პარტნიორიცაა. ჩვენი მტერი დღეს: საერთაშორისო ტერორიზმი, განსაკუთრებით ისლამისტური ტერორიზმი."
შეგახსენებთ, რომ ეს პირველი შემთხვევა არაა, როდესაც მაკრონი მსგავს განცხდებას აკეთებს. გასულ კვირას მან NATO-ს მომავალზე ისაუბრა და თქვა, რომ შუალედური დამიზნების ბირთვული შეთანხმების შემდგომ პერიოდში კვლავ დგას ევროპის კონტინენტზე მშვიდობის საკითხი და პასუხი უნდა გაეცეს შეკითხვას - ვინ არის მტერი? მაკრონს მიაჩნია, რომ მტერი რუსეთი ან ჩინეთი არაა და რომ ალიანსის საერთო მტერი ტერორიზმია.
"ეს საკითხი სტრატეგიული მნიშვნელობისაა. ეს რუსეთია? ჩინეთი? NATO-ს მიზანია, რომ ისინი მტრად გამოაცხადოს? არ ვფიქრობ ასე. ალიანსში ჩვენი საერთო მტერი ტერორიზმია, რომელმაც ჩვენ წევრ ყველა ქვეყანაზე დატოვა კვალი".
მაკრონმა რუსეთზე საუბრისას თქვა - "ჩვენ ნათელი, ძლიერი და მომთხოვნი დიალოგი გვსურს რუსეთთან, არც გულუბრყვილო და არც თვითკმაყოფილი. რუსეთთან დიალოგზე არ წასვლას ევროპა უფრო უსაფრთხო არ გაუხდია".
"რუსეთი, გეოგრაფიულად, ევროპის ნაწილია," - დასძინა მან.
