კალაძე: შემიძლია წავიტრაბახო, ევროპაში ერთერთი საუკეთესო საზ. ტრანსპორტი ეყოლება თბილისს

ჩვენ პირობა მივეცით მოსახლეობას, რომ თბილისში საზოგადოებრივი ტრანსპორტი იქნება ყველაზე მოწესრიგებული და ერთერთი საუკეთესო. შემიძლია წავიტრაბახო, რომ როდესაც დავამთავრებთ ამ პროექტის განხორციელებას, ევროპაში ერთერთი საუკეთესო საზოგადოებრივი ტრანსპორტი ეყოლება თბილისს. ეს იქნება ახალი, განახლებული ევრო 6 ტიპის ავტობუსები, ყველა ახალი იქნება. პარალელურად, მიკროავტობუსები აუცილებლად უნდა ჩანაცვლდეს. ტაქსის რეფორმა წარმატებით მიმდინარეობს და მართლა ძალიან მაგარია და ვფიქრობ, საზოგადოება ამას ხედავს და აფასებს. თუმცა, რეფორმა ჯერ არ დამთავრებულა და იქნება შემდეგი ეტაპები. ასევე, მოსაწესრიგებელია მეტრო. გარდა იმისა, რასაც ვაკეთებთ, ვაგონების რეაბილიტაციას, საჭიროა, ახალი ვაგონების შეძენა და სადგურების რეაბილიტაცია.