მელია: მეუფე იაკობს ჩემზე რომ ეთქვა, ამას გეგმავდაო, 2 საათში დაკითხვაზე დამიბარებდნენ

ენმ-ის წევრი ნიკა მელია TV პირველის ეთერში, მეუფე იაკობის განცხადებებზე. ცნობისთვის, ბოდბელმა ეპისკოპოსმა იაკობმა 26 ოქტომბერს თქვა, რომ ჭყონდიდელი მიტროპოლიტი პეტრე ცაავა, ე.წ. ციანიდის საქმეში ბრალდებული დეკანოზი გიორგი მამალაძე, სახელისუფლებო პირები და "ზოგიერთი ბიზნესმენი", მათ შორის ვანო ჩხარტიშვილი, პატრიარქ ილია II-ის მკვლელობას გეგმავდნენ. გარდა ამისა, მეუფე იაკობი ამბობს, რომ გიორგი კვირიკაშვილთან, გიორგი გახარიასთან და ვახტანგ გომელაურთან შეხვედრისას მას "ეჩალიჩებოდნენ", რომ პატრიარქი ილია II გადაეყენებინათ და მის ნაცვლად პატრიარქის მოსაყდრე შიო დაეყენებინათ. საქართველოს მთავარი პროკურორი ფიქრობს, რომ ბოდბელი ეპისკოპოსის განცხადებაზე გამოძიება არ უნდა დაიწყოს.