ჩრდილოეთ კორეის სახელმწიფო მედიის (KCNA) ინფორმაციით, ქვეყნის ლიდერმა, კიმ ჩენ ინმა, მთა პექტუსანი ცხენით დალაშქრა.
მთა პექტუსანი ჩრდილოეთ კორეაში "წმინდა მთის" სახელით არის ცნობილი. გადმოცემით, კიმ ჩენ ინის მამა, კიმ ჩენ ირი, პექტუსანის მთაზე დაიბადა. "წმინდა მთა" ქვეყნის გერბზეც არის გამოსახული. BBC-ს ინფორმაციით, მთის დალაშქვრის შემდეგ ლიდერისგან მნიშვნელოვანი განცხადების გაკეთებას უნდა ველოდოთ.
"პექტუსანის მთაზე მისი ლაშქრობა მნიშვნელოვანი მოვლენაა კორეის რევოლუციის ისტორიაში,"-წერს სახელმწიფო მედია.
2 750 მეტრის სიმაღლის მთას კიმ ჩენ ინი 2017 წელსაც ესტუმრა. ამ პერიოდში მან საახალწლო მიმართვაში სამხრეთ კორეასთან ურთიერთობის გამოსწორებაზე ისაუბრა.