ლონდონის ჩრდილოეთით ები-როუდზე The Beatles-ის ლეგენდარული ფოტოს გადაღებიდან 50 წლისთავს აღნიშნავენ. გულშემატკივრები ები-როუდზე იკრიბებიან და ცნობილ გადასასვლელზე სურათებს იღებენ.
ფოტო 1969 წლის 8 აგვისტოს ალბომის "Abbey Road" გარეკანისთვის შოტლანდიელმა ფოტოგრაფმა იენ მაკმილანმა გადაიღო. გარეკანის იდეა პოლ მაკარტნის ეკუთვნოდა. 
ფოტო: The Beatles
"Abbey Road" იყო მეთერთმეტე და ერთერთი ბოლო ალბომი, რომელზეც ჯგუფის ოთხივე წევრმა ერთად იმუშავა. 1970 წელს ჯგუფი დაიშალა.
ალბომში The Beatles-ის ისეთი ცნობილი სიმღერები შედის, როგორებიცაა - "Come Together", "Something", "Here Comes The Sun" და სხვ.
Rolling Stone-ის სიაში "Abbey Road" საუკეთესო როკ ალბომებში მე-14 ადგილს იკავებს.
იხილეთ "Abbey Road"-ის გარეკანის გადაღებიდან ლინდა მაკარტნის სურათები:
