ბათუმი-ქობულეთის შემოვლით გზაზე ავტოავარიას 40 წლამდე კაცის სიცოცხლე ემსხვერპლა.
დაშავებულია ცხრა ადამიანი, მათ შორის რამდენიმე არასრულწლოვანია.
ერთმანეთს 3 მინივენი შეეჯახა.
დაშავებულები ორ საავადმყოფოში გადაიყვანეს. არსებული ინფორმაციით, მათ სიცოცხლისთვის შეუსაბამო დაზიანებები არ აღენიშნებათ.
შსს მომხდარს სისხლის სამართლის კოდექსის 276-ე მუხლით იძიებს, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
