მარნეულში ავტოსაგზაო შემთხვევას მოტოციკლის მძღოლი ემსხვერპა. ადგილობრივი მედიის ინფორმაციით, დაღუპულია 47 წლის კაცი.
მათივე ინფორმაციით, შემთხვევა კოსტავას ქუჩაზე მოხდა, მოტოციკლის მძღოლმა სავარაუდოდ საჭე ვერ დაიმორჩილა და ერთ-ერთ რესტორანის ეზოში შევარდა.
როგორც ტაბულას შინაგან საქმეთა სამინისტროში უთხრეს, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
