კიევში უკრაინულ ტელეკომპანია „112 უკრაინას" შენობას გამთენიისას ყუმბარა ესროლეს. კიევის პოლიციის ინფორმაციით, შემთხვევის შედეგად არავინ დაშავებულა, სამართალდამცველებმა თავდასხმა ტერაქტად შეაფასეს.
კიევის პოლიციაში აფეთქების შესახებ ცნობა ადგილობრივი დროით, დილის 03:40 წუთზე შევიდა. ადგილზე მისვლისას სამართალდამცველებს დაზიანებული შენობა დახვდათ.
მომხდარს უკრაინის უსაფრთხოების სამსახური იძიებს. ძალოვანების ინფორმაციით, დამნაშავეების ძებნის ოპერაცია უკვე დაწყებულია. დანაშაულის მოტივზე გამოძიება არ საუბრობს.
