"პორტუს" ვეტერანმა მეკარემ იკერ კასილასმა 1 მაისს ვარჯიშის დროს ინფარქტი მიიღო. 37 წლის ესპანელი სასწრაფოდ საავადმყოფოში გადაიყვანეს და მისი მდგომარეობა უკვე სტაბილურია.
კასილასის კარდიოლოგის - ხუან ანტონიო კორბალანის განცხადებით, იკერი დიდი ფეხბურთის თამაშს ვეღარ გააგრძელებს.
"კორონარული სტენტით ფეხბურთის თამაში შეუძლებელია, განსაკუთრებით, მეკარისთვის. იკერი ნორმალურ ცხოვრებას დაუბრუნდება, მაგრამ პროფესიონალურ სპორტს ვერა", - განაცხადა კორბალანმა.
იკერ კასილიასს კარიერის დიდი ნაწილი მადრიდის "რეალში" აქვს გატარებული, ბოლო წლებში კი "პორტუს" ღირსებას იცავს.
