გახარია: ყველა, ვინც პოლიციელზე თავდასხმა გაბედა, იდენტიფიცირებული და დასჯილი იქნება

შინაგან საქმეთა მინისტრმა გიორგი გახარიამ ეს განცხადება თელავის რეფერალურ საავადმყოფოში დაზარალებულების მპონახულების შემდეგ ჟურნალისტებთან გააკეთა. პანკისში მოსახლეობამ ჰესის მშენებლობის დაწყება გააპროტესტა, რასაც შინაგან საქმეთა სამინისტრომ ხეობაში სპეციალური დანიშნულების რაზმის შეყვანით უპასუხა. მოსახლეობა და პოლიციელები ერთმანეთს დაუპირისპირდნენ. სპეცრაზმი ცრემლსადენ გაზსა და რეზინის ტყვიებს იყენებდა, ადგილობრივები კი პოლიციელებს ქვებს უშენდნენ. სიტუაცია მას შემდეგ დაწყნარდა, რაც ადგილზე შს მინისტრი გიორგი გახარია ჩავიდა, რომელმაც მოსახლეობასთან შეხვედრის შემდეგ პირობა დადო, რომ ჰესი იქამდე არ აშენდება, სანამ 90%-იანი მხარდაჭერა არ ექნება.