უეფას ჩემპიონთა ლიგის 1/4-ფინალში, კატალონიის "ბარსელონასა" და "მანჩესტერ იუნაიტედის" მატჩში, კურიოზული შემთხვევა მოხდა. "წითელი ეშმაკების" მთავარი მწვრთნელის, ოლე გუნარ სულშერის წერილი კატალონიელთა მეკარის - მარკ ანდრე ტერ-შტეგენის ხელში აღმოჩნდა.
სულშერმა წერილი თავდამსხმელ მარკუს რეშფორდს გადასცა და ახალი ტაქტიკური სქემის შესახებ აცნობა. ერთ-ერთ ეპიზოდში, რეშფორდს წერილი მეტოქის საჯარიმო მოედნის სიახლოვეს დაუვარდა. უსაქმოდ მყოფმა ტერ-შტეგენმა ფურცელი იპოვა და "მანჩესტერის" გეგმაც გაიგო.