საქართველოს შინაგან საქმეთა სამინისტროს ინფორმაციით, ბათუმში პირობითი მსჯავრის ქვეშ მყოფი 1979 წელს დაბადებული, წარსულში ნასამართლევი შ.ს. ოჯახში ძალადობის ბრალდებით დააკავეს.
"გამოძიებით დადგინდა, რომ ბრალდებულმა დედას - 1948 წელს დაბადებულ რ.ს.-ს, მათსავე საცხოვრებელ სახლში, სიტყვიერი და ფიზიკური შეურაცხყოფა მიაყენა", - აღნიშნავენ უწყებაში.
გამოძიება ოჯახში ძალადობის ფაქტზე, საქართველოს სისხლის სამართლის კოდექსის 126-ე პრიმა მუხლის 1-ლი ნაწილით მიმდინარეობს.
