მექსიკის ქალაქ ჩიუჰაუას ხელისუფლების თქმით, ოჯახში ძალადობის მაღალი მაჩვენებლის გამო აიკრძალა ისეთი სიმღერების შესრულება, რომლებიც ქალების მიმართ ძალადობას უწყობს ხელს.
ქალაქის საბჭომ გადაწყვეტილება 26 ივლისს დაამტკიცა. შეუსრულებლობისთვის ჯარიმა 674 000-დან 1 244 მილიონ პესომდე (დაახლოებით $40 000-$74 000) იქნება.
"ქალთა მიმართ ძალადობამ მიაღწია იმ დონეს, რომ ჩვენ შეგვიძლია ის პანდემიად მივიჩნიოთ." - თქვა საბჭოს წარმომადგენელმა.
მათივე თქმით, ქალაქში პოლიციის ზარების თითქმის 70% ოჯახში ძალადობასთან არის დაკავშირებული.
ადგილობრივი ხელისუფლების ინფორმაციით, კანონი კრძალავს ისეთი სიმღერების შესრულებას, რომელიც ხელს უწყობს ქალთა მიმართ ძალადობას, მათ დისკრიმინაციას, მარგინალიზაციას ან გარიყვას.
