ამ ახალ სახეებს ცოტა ფრთხილად მოვეკიდოთ, თორემ მივიღეთ ახალი სახეები 2016 წელს და დაანგრიეს ქართული ოცნება და შიგნიდან დაიწყეს რყევა. სიახლე კარგია, მაგრამ ამ სიახლეს სჭირდება შინაარსი - არამხოლოდ ფასადის შეცვლა, არამედ შინაარსი და ამიტომ შინაარსს უნდა მივაქციოთ ყურადღება, თორემ ამ ახალი სახეებით კი ვნახეთ რა სურათიც მივიღეთ.
ეკა ბესელია ეხმაურება საპარლამენტო უმრავლესობის ლიდერის, არჩილ თალაკვაძის განცხადებას იმის შესახებ, რომ "უმრავლესობაში მიმდინარე პროცესი კარს გაუხსნის პარტიაში ახალი, წარმატებული ადამიანების შემოსვლას".