კიბპოთი დაავადებულ 6 წლის ებიგეილ ერიასს ტეხასში, ფრიპორტის პოლიციამ ოცნება აუხდინა - ის პოლიციელი გახდა.
ებიგეილი ფრიპორტის პოლიციის უფროსს დეკემბერში შეხვდა და ისინი მალევე დამეგობრდნენ. ბავშვმა რეი გარივეის უამბო, რომ პოლიციელობა მისი ოცნებაა.
7 თებერვალს კი მან მისთვის შეკერილი სპეციალური ფორმით მან ფრიპორტის პოლიციის დეპარტამენტის საპატიო პოლიციელის ფიცი დადო.
ვიდეოს ფეისბუქზე თავად დეპარტამენტი ავრცელებს.
ებიგეილმა თქვა, რომ სურს ებრძოლოს "ცუდ ბიჭებს", რომლებიც კიბოს სახით მის სხეულში არიან. პოლიციის უფროსმა კი ფიცის დადების დროს მას "დაავალა" გააგრძელოს ბრძოლა "ცუდ ბიჭებთან".
ცერემონიას ესწრებოდნენ ებიგეილის ოჯახი და პოლიციელები მთელი ტეხასიდან.
"მას აქვს შესანიშნავი ღიმილი და სურვილი, გააგრძელოს ბრძოლა "ცუდ ბიჭებთან" თავის სხეულში - მინდოდა მისი ოცნება ასრულებულიყო", - უთხრა პოლიციის უფროსმა CNN-ს.
