ინდონეზიაში ავიაკომპანია Lion Air-ის ბოინგ 737-ის ჩამოვარდნის ადგილზე მუშაობისას ერთ-ერთი მყვინთავი დაიღუპა.
Reuters წერს, რომ 48 წლის ინდონეზიელი, სიაჩრუ ანტო მოხალისე მყვინთავი იყო.
მისი გარდაცვალების ზუსტი მიზეზი უცნობია, ის საავადმყოფოში მიყვანის შემდეგ გარდაიცვალა.
მაშველებმა უკვე იპოვეს ბოინგ 737 MAX 8-ის "შავი ყუთი" და კორპუსი.
ინდონეზიაში სამგზავრო თვითმფრინავი აფრენიდან რამდენიმე წუთში, დედაქალაქ ჯაკარტის სანაპიროსთან, ზღვაში ჩამოვარდა.
ბოინგზე 189 ადამიანი, მათ შორის ეკიპაჟის 7 წევრი იმყოფებოდა. არავინ გადარჩა.
გავრცელებული ინფორმაციით, თვითმფრინავს აფრენამდე ტექნიკური პრობლემები ჰქონდა.