ანტარქტიდაზე მდებარე რუსულ სამეცნიერო სადგურ ბელინგსჰაუზენზე 55 წლის სერგეი სავიცკიმ კოლეგა, 52 წლის ოლეგ ბელოგუზოვი სამზარეულოს დანით დაჭრა.
რუსი მეცნიერები სადგურზე 6 თვეზე მეტი ხნის განმავლობაში ცხოვრობდნენ. შემთხვევა 9 ოქტომბერს მოხდა. გავრცელებული ცნობებით, სავიცკიმ ბელოგუზოვი იმის გამო დაჭრა, რომ ეს უკანასკნელი მას იმ წიგნების დასასრულებს უყვებოდა, რომელსაც სავიცკი კითხულობდა.
დაჭრილი ჩილეს კინგ ჯორჯის კუნძულზე გადაიყვანეს, ხოლო სავიცკი სანქტ-პეტერბურგში შინაპატიმრობაშია და ბრალი განზრახ მკვლელობის მცდელობისთვის აქვს წაყენებული.
ეს ანტარქტიდაზე მსგავსი დანაშაულით ბრალის წაყენების პირველი შემთხვევაა.
ფოტო: CEN
