თბილისში ეროვნულ-დემოკრატიული პარტიის ოფისის გაქურდვის ბრალდებით მანგლისში ერთი პირი დააკავეს.
შსს-ს ცნობით, დაკავებული 1986 წელსაა დაბადებული, წარსულში ნასამართლევია და ამჯამად პირობითი მსჯავრის ქვეშაა.
გამოძიების ინფორმაციით, ბრალდებულმა პარტიის რუსტაველის გამზირზე მდებარე ოფისიდან ტექნიკა მოიპარა. ნაქურდალი ნივთები ელბაქიძის ქუჩაზე მდებარე ლომბარდიდან ამოიღეს.
ედპ-ის ოფისი 18 აგვისტოს გამთენიას გაქურდეს.
დაკავებულს 3-დან 5 წლამდე პატიმრობა ემუქრება.
