ფოფხაძე: ბოდიშს ვიხდი, რომ "ოცნება" კომპარტიას შევადარე, მინდა, შუამავლის როლი ვითამაშო

ბოდიშს ვიხდი ამ ციტატის გამო, ამ ფრაზის გამო, ვთხოვ ჩემს კოლეგებს, რომ მომიტევონ ეს ციტატა, ემოციური იყო. მე მაქსიმალურად მინდა, ამ ვითარებაში ვითამაშო შუამავლის როლი. თავის დროზე დათო ჭიჭინაძე მარწმუნებდა, რომ მე არ უნდა წავიდე ქართული ოცნებიდან და ჩვენი გუნდურობა და ერთად ყოფნა არის ძალიან მნიშვნელოვანი. მეც ვაპირებ, იგივე გავაკეთო და ვესაუბრო დავითს ამ საკითხთან დაკავშირებით. მე მინდა, რომ ეს გადაწყვეტილება შეიცვალოს პოლიტსაბჭოს მიერ. მინდა, ამაში ყველა ჩემი თანაგუნდელი ჩაერთოს და თუ ვინმეს რაიმე წყენა აქვს ბატონ დავითთან მიმართებით, ამაზეც გუნდის შიგნით ვისაუბროთ ერთმანეთთან