რუსთაველის გამზირზე ულტრანაციონალისტურად განწყობილი ჯგუფი ჯერ არ დაშლილა.
ტაბულას კორესპონდენტის ცნობით, სამართლადამცავები მათ მოსწავლე-ახალგაზრდობის სასახლის მიმდებარე ტერიტორიის დატოვების საშუალებას არ აძლევენ, სანამ აქცია "ჩვენი თავისუფლებისთვის" მონაწილეები ბოლომდე არ დატოვებენ პარლამენტის მიმდებარე ტერიტორიას.
კონტრაქციის მონაწილეებს სურთ, როცა ამის შესაძლებლობა ექნებათ, პარლამენტის შენობის წინ გადავიდნენ და იქ აღნიშნონ "გამარჯვება", რომელიც წინა აქციის დაშლით მოიპოვეს.
აქციამ "ჩვენი თავისუფლებისთვის" დაშლა მას შემდეგ დაიწყო, რაც მის ორგანიზატორებს შს მინისტრი შეხვდა და გარკვეული დაპირებები მისცა. ორგანიზატორებმა თქვეს, რომ ერთ კვირიან პაუზას იღებენ.
