გიყვართ კურტ კობეინი, დევიდ ბოუი ან ჯონ ლენონი? დღეიდან, შეგიძლიათ, მათი ორიგინალი ხელნაწერის შრიფტი გამოიყენოთ.
ახალმა პროექტმა, სახელად “Songwriters Fonts” , მუსიკოსების ჩანაწერებზე დაყრდნობით მათი შრიფტები შექმნა. მათი გადმოწერა პროექტის გვერდიდან უფასოდ შეგიძლიათ.
ჯულიენ სენსმა და ნიკოლა დემიენმა საკულტო შემსრულებლების, დევიდ ბოუის, ჯონ ლენონის, კურტ კობეინის, ლეონარდ კოენისა და სერჟ გეინსბურგის ხელნაწერი წერილებიდან და ნოტებიდან კომპიუტერული შრიფტები შექმნეს. ინფორმაციას NME ავრცელებს.
შრიფტის ავტორები ამბობენ, რომ ეს იმ ადამიანებისთვის გააკეთეს, ვინც ზემოჩამოთვლილი ცნობილი ადამიანებისგან იყვნენ ინსპირირებულები.
"სიმღერების წერა შთაგონებაა. სიმღერების ისე დაწერა, როგორც წერდნენ ისინი, ვისგანაც შთაგონებული ხარ, იყო ბოუის, კობეინის, კოენის, გეინსბურგისა და ლენონის განწყობით წარმოსახვას ძალიან ეხმარება. შემსრულებლების შრიფტები იმისათვის შეიქმნა, რომ მუსიკოსებს შთაგონება მივცეთ,"- ამბობს ერთერთი ჯულიენ სანსი.
შრიფტი სიმბოლურად 5 აპრილს ჩაეშვა და კურტ კობეინის ხსოვნას მიეძღვნა. 24 წლის წინ, 1994 წლის 5 აპრილს, 27 წლის ასაკში Nirvana-ს სოლისტმა კურტ კობეინმა სიეტლში მდებარე საკუთარ ბინაში ცხოვრება სუიციდით დაასრულა.
დაათვალიერეთ გალერეა და ნახეთ როგორ გამოიყურება კურტ კობეინის, დევიდ ბოუის და ჯონ ლენონის ჩანაწერები და პროექტის ფარგლებში შექმნილი შრიფტები.