აშშ-ის პრეზიდენტმა დონალდ ტრამპმა, განაცხადა, რომ შესაძლებელია, "გლობალური დათბობა ამერიკამ სასიკეთოდ გამოიყენოს." ტრამპმა ამის შესახებ თვითერის ოფიციალურ გვერდზე დაწერა.
"ნიუ-იორკში, ისტორიაში ყველაზე ცივი ახალი წლის ღამე იქნება. იქნებ, სასიკეთოდ გამოვიყენოთ, ის გლობალური დათბობა, რომლის წინააღმდეგ ბრძოლაშიც ჩვენი ქვეყანა, და არა სხვა ქვეყნები, ტრილიონების დახარჯვას აპირებდა." - წერია პოსტში.
დონალდ ტრამპმა მსგავსი შინაარსის განცხადება 2012 წელსაც გააკეთა. მაშინ ის პრეზიდენტი ჯერ კიდევ არ იყო.
"ნიუ-იორკში ცივა. გლობალური დათბობა გვჭირდება." - წერია 2012 წლის 7 ნოემბერს გამოქვეყნებულ პოსტში.
