ბერი გაბრიელ სალოსის გამზირზე სპეცოპერაცია ამ დრომდე მიმდინარეობს. სამართალდამცველებს ბლოკირებული აქვთ რამდენიმე კორპუსის შესასვლელი.
არსებული ინფორმაციით, სპეცრაზმი ორი პირის აყვანას ცდილობს, რომლებიც ერთ-ერთ საცხოვრებელ კორპუსში იმყოფებიან.
დილის 05:00 საათიდან პოლიციამ შტურმი დაიწყო, რომელიც დაახლოებით ერთი საათის განმავლობაში გაგრძელდა. ისმოდა ძლიერი აფეთქებებისა და სროლის ხმა. ინტერპრესნიუსის ცნობით, შტურმამდე რამდენიმე წუთით ადრე, კორპუსიდან, სადაც სუს-ი სპეცოპერაციას ატარებს, მოსახლეობა გამოიყვანეს.
ადგილზე იმყოფება სასწრაფო დახმარების ბრიგადა.
ბერი გაბრიელ სალოსის ქუჩაზე სპეცოპერაცია გუშინ საღამოს დაიწყო. სუს-ის ინფორმაციით, პირებმა, რომელთა დაკავებასაც ცდილობენ, სპეციალურ დანაყოფს ცეცხლი გაუხსნეს.
