რუსთავი ორმა საერთაშორისო რესპუბლიკური ინსტიტუტის (IRI) კვლევის ნაწილი გამოაქვეყნა. IRI ანგარიშს ოფიციალურად ორშაბათს, 3 აპრილს წარადგენს. რუსთავი ორის ცნობით, საერთაშორისო რესპუბლიკურმა ინსტიტუტმა კვლევა თებერვლის ბოლოს და მარტის დასაწყისში ჩაატარა.
კითხვაზე, "მომდევნო კვირას რომ იყოს არჩევნები, რომელ პარტიას დაუჭერდით მხარს?" - პასუხები ასე გადანაწილდა:
- ქართული ოცნება - 26%.
- ერთიანი ნაციონალური მოძრაობა - 15%.
- ევროპული საქართველო - 7%;
- ლეიბორისტული პარტია - 6%.
- პატრიოტთა ალიანსი - 4%.
- თავისუფალი დემოკრატები -3%.
- დემოკრატიული მოძრაობა - 2%;
- გირჩი 1%;
- რესპუბლიკური პარტია - 1%.
- სხვა პარტიები 1%;
- არც ერთი პარტია - 15%.
- არ მაქვს პასუხი - 20%.
ამასთან, საზოგადოებრივი მაუწყებლის ინფორმაციით, გადაწყვეტილი ამომრჩევლის 30% ქართულ ოცნებას მისცემდა ხმას, 15% - ერთიან ნაციონალურ მოძრაობას, ხოლო 8% - მოძრაობა თავისუფლებისთვის - ევროპულ საქართველოს. ამ ეტაპზე არ არის ცნობილი, გამოკითხულთა რა ნაწილს აქვს გადაწყვეტილი არჩევნებში მონაწილეობა.
