კობახიძე: თუ პრეზიდენტი არაკორექტული იქნება, არაპირდაპირ არჩევნებზე ვიფიქრებთ

ეს არის სახელმწიფო საკონსტიტუციო კომისიის დისკრედიტაციის და საზოგადოების შეცდომაში შეყვანის სრულიად შეგნებული მცდელობა. სხვა შეფასებას პრეზიდენტის ამ განცხადებას ვერ მივცემ ... ერთერთი მიზეზი, რატომაც ჩვენ ეს პოზიცია წარმოვადგინეთ (ჯერ პირდაპირი, შემდეგ არაპირდაპირი არჩევნები), იყო ის, რომ მათ შორის პრეზიდენტის პოზიციასაც გავუწიეთ ანგარიში. მისი პოზიცია იყო, რომ ჯობდა, მომავალ წელს არ გაგვეუქმებინა პირდაპირი არჩევნები. ჩვენ გავუწიეთ ანგარიში ამ პოზიციასაც და ესეც იყო საფუძველი იმისა, რომ არჩევანი ორსაფეხურიან რეფორმაზე შევაჩერეთ. თუ საქართველოს პრეზიდენტი გააგრძელებს არაკორექტული განცხადებების კეთებას, ამ შემთხვევაში შეიძლება ვიფიქროთ ჩვენი პოზიციის გადახედვაზე - ვიფიქროთ იმაზე, რომ მომავალ წელს პირდაპირი არჩევნები არ ჩავატაროთ და პირდაპირ გადავიდეთ არაპირდაპირ არჩევნებზე.