საქართველოს პრეზიდენტმა გიორგი მარგველაშვილმა დავით ბაქრაძე ამერიკის შეერთებულ შტატებში საქართველოს საგანგებო და სრულუფლებიან ელჩად დანიშნა. ბაქრაძე მოვალეობის შესრულებას 5 დეკემბრიდან შეუდგება.
"გიორგი მარგველაშვილმა ახლადდანიშნული ელჩი პრეზიდენტის სასახლეში მიიღო. შეხვედრისას მხარეებმასაქართველოსა და აშშ-ს, როგორც ჩვენი ქვეყნის სტრატეგიულ პარტნიორს შორის არსებული ურთიერთობადა თანამშრომლობის პერსპექტივა განიხილეს",- ნათქვამია პრეზიდენტის ადმინისტრაციის განცხადებაში.
დავით ბაქრაძე ამ დრომდე ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი იყო.
