ქუთაისში გუშინ ღამით, ცეცხლსასროლი იარაღით თავის არეში მიღებული ჭრილობით, ქალი საავადმყოფოში გადაიყვანეს.
როგორც ტაბულას შსს-ში უთხრეს, გამოძიებას საფუძვლად დაედო უწყებაში შესული შეტყობინება თვითმკვლელობის მცდელობის შესახებ. პროკურატურისვე ცნობით, საქმე გამოსაძიებლად დასავლეთ საქართველოს საოლქო პროკურატურას მას შემდეგ გადაეცა, რაც გაირკვა, რომ გასროლა პოლიციის იარაღიდან მოხდა.
გამოძიება 115-ე მუხლით მიმდინარეობს, რაც თვითმკვლელობამდე მიყვანას გულისხმობს. ამის შესახებ ტაბულას პროკურატურაში უთხრეს.
უწყებისვე ინფორმაციით, ამჟამად დაშავებული ქალის მდგომარეობა სტაბილურია და უახლოეს მომავალში მისივე მონაწილეობით ყველა გადაუდებელი და საჭირო საგამოძიებო მოქმედება ჩატარდება.
