ჯეჯელავა: რაც უფრო მეტ ჭკვიან ადამიანს დავეკითხებით, მით უფრო კარგი იქნება

იცით რა არის, მე, ჯერჯერობით, ბატონ ბიძინას არ ვიცნობ და ასეთი შესაძლებლობა არ მქონია, თუმცა მთავრობის წევრი ვარ, სურვილიც მაქვს, რომ ვიცნობდე ამ ადამიანს. მე ჩემი მხრივ გეტყვით, რომ ძალიან ბევრ ადამიანს ვეკითხები ჭკუას. რა თქმა უნდა, ბატონი ბიძინა ჩვეულებრივი, ერთ-ერთი რიგითი მოქალაქე არ არის და მას განსაკუთრებული სტატუსი აქვს, ყოფილი თანამდებობის და პოლიტიკურ პროცესებში მონაწილეობის თვალსაზრისით, თუმცა, ვიტყვი, რომ რაც უფრო მეტ ჭკვიან ადამიანებს დაეკითხებიან მთავრობის წევრები თავის უწყებებში, თავისი უწყებების გარეთ, თქვენს პროფესიაში და ა.შ., მით უფრო კარგი მთავრობა გვეყოლება და მით უფრო მეტი შანსი გვექნება, რომ ჩვენს ხალხს ვემსახუროთ პირნათლად.