ვფიქრობ, თინა ხიდაშელმა გადადგა პოპულისტური ნაბიჯი წინასაარჩევნოდ. რესპუბლიკური პარტიის წინასაარჩევნო მოცემულობა და საჭიროება შეიძლება, ითქვას, რომ ამას ითხოვდა. არ ვიცი, ეს რამდენად სწორი გათვლაა, რამდენად მოიტანს შედეგს, მაგრამ ასეთი ერთპიროვნული გადაწყვეტილებები, რომელიც პოლიტიკურ კარიერასთან, წინასაარჩევნოდ ელექტორატის მოკრებასთან არის დაკავშირებული, ვფიქრობ, ეროვნული უსაფრთხოების პოლიტიკას უქმნის საფრთხეს. თინა ხიდაშელის გადაწყვეტილება იყო ერთპიროვნული, არავისთან არ იყო კოორდინირებული. ზუსტადაც ეროვნული უსაფრთხოების კონცეფცია გვავალდებულებს იმას, რომ ასეთი ტიპის გადაწყვეტილებებთან დაკავშირებით მოხდეს კოორდინირება. ამ შემთხვევაში, ჩვენ რომ გვცოდნოდა, რომ უშიშროების საბჭოში, კრიზისების საბჭოში ამაზე განხილვები მიმდინარეობდა, რასაც დაეყრდნო თავდაცვის მინისტრი, რომ წვევამდელებს თავდაცვის სამინისტროში არ მიიღებს ამ წლის განმავლობაში, მაშინ შეგვეძლო, სხვანაირად გველაპარაკა. თვითნებობა არის საფრთხისშემცველი. ვფიქრობ, თინა ხიდაშელმა ძალიან არასწორი გადაწყვეტილება მიიღო, რომელიც წინააღმდეგობაში მოდის ეროვნული უსაფრთხოების კონცეფციასთან.
tbl.ge/1s7w
დაკოპირდა
იურისტი გიორგი ნონიაშვილი თინა ხიდაშელის გადაწყვეტილებაზე, რომ 2017 წლიდან თავდაცვის უწყება სამხედრო-სავალდებულო სამსახურში მოქალაქეებს აღარ გაიწვევს. ტაბულა, გადაცემა თეორემა.
ამავე თემაზე
- ბრეგაძე: ჯარი პატრიოტ, განათლების მიღებაზე ორიენტირებულ, დაუღალავ მამულიშვილთა ერთობაა
- 22 წლამდე სტუდენტებს რეზერვის 1 კონტრაქტის შემდეგ სავალდებულო სამსახური მოხდილად ჩაეთვლებათ
- ანა დოლიძე: გირჩი კი არ უქმნის საფრთხეს ქვეყანას, არამედ ის, რომ ჯარი არ გივარგათ
- ღარიბაშვილი გირჩზე: ამ სექტის საქმიანობა პირდაპირ საფრთხეს უქმნის ჩვენი ჯარის ძლიერებას
- ჯაფარიძე საპატრიარქოზე: ოკუპანტთან ჩახუტებულები ჩვენ გვეძახიან ანტისახელმწიფოებრივ ძალას